1
一糖迎來十週年全新裝修，環境更亮堂舒適，滿滿日式甜品feel，全新英文名Number One，象徵甜蜜No.1！店舖仲推出兩款新刨冰口味—荔枝同桃，超適合夏天解暑！
試咗荔枝日式刨冰，刨冰綿密細滑，入口即化，滿滿荔枝果香酸甜自然，配新鮮荔枝肉粒，咬落juicy又爽口！仲有椰奶加持，奶香輕盈唔膩，食落好似夏天喺果園野餐，解暑一流！
心太軟外脆內軟，切開流出濃郁朱古力漿，配Q彈黑糖珍珠同曲奇雪糕，奶香四溢，甜度啱啱好！
菊花蜜糖花茶清熱解毒，菊花香氣撲鼻，蜜糖微甜順滑，飲落好似養生茶咁舒服！配流心芝士撻，外皮酥脆，咬落滿口芝士香同撻皮嘅香甜，份量啱晒下午茶！
