波仔

Open Now

Now Closed

波仔呢個香港品牌應該係香港人都知。主要做冷藏預製食物，放入微波爐，一叮就食得。門市遍布港九新界，港鐵站內都見到蹤影。每次經過都會買啲波仔飯同燒賣返屋企看門口。佢嘅瑤柱雞粒荷葉飯仲係舊年拎到亞洲農產品及農業技術展2023 首屆大灣區預制菜專題館嘅三粒味之星。味道同酒樓食真係一樣㗎。仲新出咗乾炒牛河，夜麻麻嘅時候就好方便，叮一叮有得食。呢間荃灣新店現場仲有各色小食、蒸飯、老火湯。行過快速解決一餐再返屋企又得。或者食個下午茶篤串魚蛋又得。仲有特調飲品，咖啡、梳打、果茶等。我飲呢杯抹茶虎堅果燕麥奶特調，燕麥奶味同抹茶混合埋又幾鬼好飲。