主打創新日系秘魯料理🌴全新推出午市自助餐，只需$𝟭𝟵𝟴，即可享用主菜及無限量供應的開胃菜，以中環地段嚟講，性價比好高呀！怪唔之得星期六中午，座無虛席，真係好熱鬧
1
自助無限量供應開胃菜有多款沙律、卷物、小食等等，芒果三文魚刺身沙律、南瓜粒、車厘茄、鰻魚卷、炸蝦卷同埋凉拌蕎麥麵，都幾好味！
和牛西冷 +$48
賣相好吸引😍最鐘意牛扒煎到表面焦香，但內裏粉嫩，已經切好，表面灑上少少唐辛子，軟嫩多汁，牛味香濃，超好食😋下面仲有黃辣椒炒蘑菇，very good!
燒三文魚扒 +$48
燒得幾靚，秘魯黑辣椒照燒汁，味道唔錯，肉質都ok, 嫩滑多汁，再配上山葵芫茜沙律醬，感覺fresh啲，幾特別！
PIE OF THE DAY +$38
肉桂蘋果鳳梨批，好大份呀，肉桂香氣濃郁，批皮香脆，入面有吉士醬，配上蘋果粒、鳳梨粒、雲呢拿雪糕，口感味道都好豐富。
CAKE OF THE DAY +$38
香橙芝士蛋糕，入口非常細滑，芝士味濃郁，橙香清新，成個配搭好fresh🍊
