尚上下夏 - 養生雞煲火鍋 (Closed)

其實芫茜真係好好食😋所以一見到有芫茜食物，都好快第一時間去幫襯。特別佢嘅獨特香氣，都能帶起食物層次，今次朋友介紹就當然特登試啦。而佢嘅雞煲及其他火鍋食材性價比亦相當高。今次雞煲火鍋就叫咗好幾款芫茜食物包括鮮蝦芫茜燒賣、芫茜牛肉卷等估唔到呢個組合出其地夾特別芫茜牛肉卷呢個組合真心正，軟滑嘅肥牛加點芫茜香氣更為清新，而且芫荽更令到省卻肥牛油膩感，真的不錯。鮮蝦芫荽燒賣茶樓食燒賣就食得多，但火鍋食燒賣真係相當新奇，蝦肉爽口，加上蟹籽質感相當滿足。以火鍋食法亦有一番風味。而佢嘅雞煲真心味道出色，特別細心就係可以選擇雞髀肉，啱晒唔鍾意有雞皮或雞骨朋友，雞肉淡淡肉，亦相當嫩滑。外賣同時亦送咗好多配料及醬油，相當貼心。食完雞煲之後就可以用佢個蕃茄湯底來打邊爐，內裏有好多茄蓉相當足料。之後除咗芫荽類火鍋食材之外，我哋仲叫了洋蔥芝士雞肉丸、金沙魚蛋等亦都啱哂唔食芫茜嘅朋友，個人超鍾意佢個金沙魚蛋，流心度十足而且內裏金沙味道濃郁。朋友真鍾意佢個洋蔥芝士雞肉丸，雞肉鮮味十足，加上洋蔥及芝士令層次感更為豐富，整體性價比都相當高特別外賣自取仲有8 折，真係好抵食。值得再幫襯。