Surya Restaurant

我從來都唔寫食評,我驚我話好食,但其他人覺得唔好食。但系今次唔同, 因為覺得受騙 。系Groupon 用咗 $ 68（加埋一$75）買咗「正宗印度餐廳」印尼及尼泊爾自助午餐（價值$138）。廣告內容話超過30款美食，先講湯，佢話有5款湯，但只得1煲湯，問個店內人（佢個樣似尼泊爾人），佢話依家冇乜客，煮咁多，都飲唔晒 （根本佢就無諗過供應5款湯，因冇地方擺到5煲野）；其餘果D所謂超過30款美食，比佢七除八扣（扣起的貴價野，咩印度燒烤-香燒春雞、燒烤雞翼、串燒免治肉卷 &羊肉卷，仲有咖喱魚，羊等等），得番幾款咖喱汁燴唔知咩肉，盤盤都係肉碎，根本就唔知咩肉打咩肉；幾款肉卷、豆類、素菜，仲有限量1人1塊燒餅、1杯飲品。我就系睇到廣告咁多野食好吸引，先至買coupon , 就算得我地一台客都唔應該cut嘢食 。根本佢就係全心欺騙、與廣告不符、將貨就價, 極其量係合理價值。我會同groupon 投訴, 叫佢以後唔好比呢間鋪頭，再系Groupon 裡 sale 與廣告不符嘅 coupon 。