今晚點左兩個 Dinner set , 落單同食物上菜速度都好快，是日餐湯及蒜蓉法包。
喜歡食牛肉的朋友，點了芝士牛肉漢堡配沙律薯條 $148。漢堡包有得揀先至係老闆！正！牛肉味道濃郁，口感結實，肉嫩而且多汁。粗薯條如果可以俾多啲茄汁我就好啦！沙律成為我嘅飛佛，因為可以食多啲蔬菜好似冇咁Guilty。
再share一個龍蝦汁海鮮麵 $158，鹹香的龍蝦汁伴以頗豐富的海鮮，麵身掛汁而且夠彈牙，水準相當不錯。
套餐仲可以升級， 加 $38 就可以享受一個朱古力心太軟伴雪糕，仲平過去附近嘅甜品店食，而心太軟真係可以做到朱古力爆漿嘅感覺，真心讚一個！
因為咁耐冇見，所以再叫多兩杯特色飲品！ Mint chocolate 同埋 Hot mocha
