明記雞雜粥 (Changed Hand) New Restaurant

位於油麻地永星里嘅明記雞什粥，招牌號稱有46年嘅歷史，以售賣生滾粥同手捲腸粉馳名。呢度有別於一般粥店，所有配料不論要點併，甚至要晒所有配料，都係收$20。佢標榜最出名嘅係雞什粥，依家香港得返好少地方可以食到，今日中午去開油麻地終於走咗去一試： 雞什粥 ($20) – 名實相符嘅雞什粥，有雞件、雞腸、雞心、雞潤、雞腎、雞肝，材料十分豐富，生滾粥個粥底好正，粥有雞油味，熱辣辣好好味，果然係招牌菜，正~~~豬潤腸 ($12) – 好滑嘅手捲腸粉，師父好手勢，配合爽滑豬潤，生熟程度剛剛好，而且豬潤份量足，好食~~~好有特色嘅內臟餐，的確是好食，但下次會食返淨雞粥同叉燒腸，始終怕內臟污糟，唔會多食；傳统食店通常唔會衰得去邊，呢度嘅食物有一定嘅質素，去開廟街一試無訪。