韓舍 (Closed)

同一班朋友咁岩係元朗，於是就去左韓舍到就想食埋先走啦。好耐冇去呢間 , 裝修差不多 , 個環境暗暗地，但空間都幾大，員工態度亦唔差，從環境睇又唔算好差。佢地俾我既第一印象就係食物種類有很多。而一間韓燒店既甜品竟然都咁多款。一開始就當然食返d壽司先啦。我覺得佢地d壽司整得同出面既日式餐廳差唔多，佢地既壽司卷我就覺得好正，料都落得好足👍。仲有d刺生係個到都係任拎。尤其個甜蝦，陣鮮味真係強。但畢竟燒肉都係主角，所以之後都去左燒d肉。佢地有好多都係醃製，d醃料醃得又唔咸wor。d肉食落去又唔會好un或者好肥。食到最尾真係食到好飽，於是就食返d甜品中和下!佢地個到d甜品整得好靚，尤其係d啫喱，上面又有生果，重點係味道又唔錯。仲有，d員工態度又唔錯，收碟速度好快, 低讚👍!!成餐食到真係好飽，真係好滿足，下次黎到元朗會再去