一行三人叫左3個晚餐鵝肝併牛柳（5成熟）跟薯菜；媽咪叫左羊架併銀雪魚，家姐就龍蝦尾併牛柳
餐湯一人一款，包括名寶石忌廉湯，羅宋湯同埋周打魚湯。3款湯送上時熱辣辣，配上軟熟，餐包跟牛油，係細個嗰陣既味道。
主菜送上時，3份餐都分量十足，牛柳5成熟準確度良好，牛味重。配上香煎鵝肝，好正！
羊架同銀雪魚煎得好好，魚肉嫩滑。龍蝦尾就相對冇乜特別了。
餐後附上甜品，有啫喱同埋芒果布甸，細果個時最期待就係甜品，到大個左都係一樣。
侍應服務好貼心，因用餐太飽未能食甜品，侍應還幫忙包好啫喱，等我可以返屋企慢慢食，抵讚☺️
無論時代變遷，味道同回憶始終不變❣️
