一豆花 (Moved) New Location

通常我見到有人排隊的地方都會走，最怕嗰種好多人又熱又焗嘅感覺，但去到呢到見到條隊好似行得好快甘，又只有10幾個人，就行過去睇下，原來係派免費豆花，有薑汁同原味兩種。所以就膽粗粗排下。初頭以為可以排到去揀原味或者薑汁其中一款，但排到嘅時候原來發現姐姐只會比一碗原味嘅豆腐花出嚟，糖水，糖，薑汁全部都係自己加，所以可以按照自己鍾意嘅味道而調製。豆腐花裝出來都係熱辣辣嘅，攞上手仲有少少辣手，咁我就加左少少薑汁，糖同糖水都加左一湯匙左右，食落去啲豆腐花好滑，有豆香味比想像中好好多，而且薑汁嘅味道都幾濃，又唔會辣，幾好。所以之後自己都買左兩碗打包番屋企同屋企人分享。講真有時呢d試食活動都幾好，有得試下味，真係正嘅自然有人會買。