翔龍拉麵小籠包 (Closed)

兩個人本來想先諗住食餐好。價錢都不計㗎喇！不過除夕夜冇booking嘅話真係好難搵位心諗，呢到觀塘成一座咁多嘢食嘅地方，一定搵到一間有嘢好嘢。 見到有小籠包喎！好耐未食過，就去試下啦！兩個人，叫咗五樣嘢，仲有得送巨型小籠包添！講下個巨型小籠包，都幾正㗎！ 首先佢係免費嘅，兩個人每人一隻，只係上facebook到like同share就可以啦！大家真係可以試下喎！個大嘅小籠包綠綠地紅紅地色，真係幾得意！又真係有成三寸大架！環境方面，都唔錯！兩個人坐一個四人卡位，都好寬敞。食物方面，唔算太油膩，本身腸胃較敏感，食落去都冇即時肚屙，真係好少可。服務方面，服務員好好，除咗即時介紹我哋上網like完有巨型小籠包之外，仲有介紹下啲茶，蕎麥茶飲落去都幾香！成餐飯埋單250蚊有找，唔錯！免費巨型小籠包， 完全落足料！翔龍小籠包與巨型小籠包比較大細。招牌水餃，有六隻。京蔥牛肉絲撈麵，正呀魚湯小餛飩，都有８隻。 味道就普通咗啲！生煎牛肉餅， 外皮有啲硬，不過入面都好多肉汁。翔龍小籠包，有四隻。