Video
Read full review
2024-12-10
530 views
一向對東南亞美食情有獨鍾，不過喺香港，最常食到嘅係泰國菜或者越南菜，馬來西亞菜嘅餐廳相對少。大圍就有一間馬來西亞菜餐廳，走平民路線。樓高兩層，裝潢簡約，最大特色就係主牆有本地漫畫家創作嘅壁畫，好有本地色彩，令餐廳充滿活潑生氣。食得馬來西亞菜點少得白咖啡，未上枱已經聞到香噴噴，又香滑又香甜。朋友就養生啲飲杯熱檸檬薏米水。【肉骨茶】天氣轉冷，叫碗熱騰騰嘅肉骨茶就啱晒。豬腳彎肥瘦適中，肉骨茶味道容易入口，唔會太重藥材味，仲可以無限添飲，飲完成身暖笠笠，必點之選。【鮮牛油咖央多士】香脆多士夾住咖央醬，重點係大片鮮牛油，口感香脆又同時食到牛油香同椰香，正～【馬拉燒魚肉】用蕉葉包裹住燒嘅魚肉，味道好香口，有帶少少惹味嘅辣，好適合做餐前小吃。【魚仔XO醬蜆仔】蜆肉都算大粒，配XO醬同魚仔，惹味又鮮甜。【芽菜雞（例牌） 】雞肉又厚又大件，味道帶點芽菜嘅清香，芽菜又帶點麻油香味，幾有特色。可以點檸檬辣醬或青辣椒醬，更添一番風味。【黃金醬虎蝦】有十幾隻虎蝦，蝦同黃金醬嘅甜味都幾匹配，非常掛汁。每道菜味道夠晒地道，值得encore~仲要唔駛加一，抵食！
食得馬來西亞菜點少得白咖啡，未上枱已經聞到香噴噴，又香滑又香甜。朋友就養生啲飲杯熱檸檬薏米水。
【肉骨茶】天氣轉冷，叫碗熱騰騰嘅肉骨茶就啱晒。豬腳彎肥瘦適中，肉骨茶味道容易入口，唔會太重藥材味，仲可以無限添飲，飲完成身暖笠笠，必點之選。
【鮮牛油咖央多士】香脆多士夾住咖央醬，重點係大片鮮牛油，口感香脆又同時食到牛油香同椰香，正～
【馬拉燒魚肉】用蕉葉包裹住燒嘅魚肉，味道好香口，有帶少少惹味嘅辣，好適合做餐前小吃。
【魚仔XO醬蜆仔】蜆肉都算大粒，配XO醬同魚仔，惹味又鮮甜。
【芽菜雞（例牌） 】雞肉又厚又大件，味道帶點芽菜嘅清香，芽菜又帶點麻油香味，幾有特色。可以點檸檬辣醬或青辣椒醬，更添一番風味。
【黃金醬虎蝦】有十幾隻虎蝦，蝦同黃金醬嘅甜味都幾匹配，非常掛汁。
每道菜味道夠晒地道，值得encore~仲要唔駛加一，抵食！
Post
