Follow (Closed)

近排長沙灣開咗新意大利餐廳，放假經開嗰邊一於同朋友去試下佢😎，餐廳環境舒適寬敞，有點英式木系嘅感覺，好似去咗外國小鎮餐廳咁，燈光氛暗，掛咗啲掛畫及節日裝飾，好有節日氣氛!😍 食物高質之餘，店員嘅服務都唔錯~😙👍今次我地叫咗兩個主食，每個主食都會跟餐湯和沙律前菜。🥗前菜: 凱撒沙律 都幾大份，沙律菜上撒咗大量巴馬臣芝士 火腿和沙樂美腸，沙律菜都好新鮮!😎👍🥣是日餐湯: 椰菜花忌廉湯有淡淡的椰菜花香味，口感幾creamy，幾好飲!👍1. 🐮燒美國封門柳配薯菜8oz ($198)擺盤好精緻，以大石盤擺放封門柳，叫咗五成熟，煎得好香又唔乾，上碟時已經切開了一件件，牛味香濃又帶點肉汁😋，肉質好粉嫩腍身，又無肥肉!😍 伴碟再以炸薯球、炸紫薯球、西式葫蘆瓜和翠玉瓜當作薯菜，旁邊仲有芥末沙律醬及食用花汁作點綴，令呢個菜式變成藝術品! 好靚!😌👍2. 🐑燒紐西蘭羊架配薯菜 ($228) 一共有4支骨，份量都幾夠，叫咗五成熟，煎得幾香，外面煎到微脆😋，切開見到中間肉質粉嫩軟腍，呈現粉紅色有肉汁😙，又唔會好羶，擺盤亦都好別緻，伴碟一樣再以炸薯球、西式葫蘆瓜和翠玉瓜當作薯菜，旁邊都有芥末沙律醬及食用花汁作點綴