一休鐵板燒 (Closed)

近排疫情咁嚴峻，有時都會買外賣返屋企食，上星期行旺角經過呢間平民價鐵板燒外賣小店，仲可以隔住小店玻璃睇到廚師即場喺大鐵板到烹調，好吸睛!🤩 一於買外賣番屋企做晚餐~😌1. 🔥鵝肝鐵板燒 ($68)鵝肝肥厚甘香，煎至外面微微焦脆，一口咬下去滿滿油香，入口即化!🤤😍 配上蘆筍和牛油脆多士，脆多士吸收哂鵝肝嘅油脂，食落好有層次感，好邪惡!!!😈😌2. 🍝鐵板炒麵 ($38)可以自選麵條、配料和醬汁，我今次選了拉麵、牛柳和一休醬油，即叫即炒，熱辣辣，好有鑊氣!😎🔥🔥拉麵炒得乾身，再加上牛柳絲、木魚絲、椰菜和冬菇絲，配上秘製一休醬油，味道有啲似燒汁，非常惹味!😋 份量都好多，幾抵食!😙👍 不過拉麵鹼水味就重咗少少🙊