Video
Read full review
2020-10-11
1192 views
多數日本餐廳都係1200-1500，再做晚市既。所以無諗過只可以訂1330 既時間！🤔午市分兩場？🤨🧐咁我咪無得慢慢嘆囉。1325到！講真，如果有位，d 食客都應該食得好趕，去到既時候食客食緊甜品。餐廳知道我地有訂咗就已經幫我哋安排座位，結果就係我哋同另外四個客人都係叫晚市嘅廚師發板，中間有兩位客人叫普通午餐，變相廚師好難分身一齊去介紹嘢食。先來一個蒸蛋，同埋另外呢個粉（無咩特別，或者係我食唔出有咩特別）漬物又係我要添加嘅嘢食。差唔多每個餐都有呢個嘅刺身拼盤，或者就係呢個拼盤令到廚師可以慳返啲時間做兩枱嘅生意。刺身有白子，黑𩶘，大拖羅同埋鮑魚。白子入口即溶、黑𩶘比較淡味，鮑魚鮮甜，大拖羅好似有少少根（有渣既感覺）螺，最鍾意食貝類食品㗎啦，呢個好鮮甜，食得好細，我反而想去有大大嚿嘅感覺。蝦，都係由於另外四個客人都係叫廚師發板，全程啲蝦嘅準備都係響嗰四個客人面前都處理。放響我哋枱面嗰度就係咁樣啦，冇嘢配搭，不過轉頭就燒咗個蝦頭拎返俾我哋食。金鯛魚鱗鱗燒呢個好特別，白魚帶少少鮮味，佢專登將啲魚鱗燒左，脆脆地好好味，個酸薑太酸金目鯛（左上）燒秋刀魚（右上）中拖羅（左下）大拖羅（右下）金目鯛唔識
午市分兩場？🤨🧐咁我咪無得慢慢嘆囉。
1325到！講真，如果有位，d 食客都應該食得好趕，去到既時候食客食緊甜品。
餐廳知道我地有訂咗就已經幫我哋安排座位，結果就係我哋同另外四個客人都係叫晚市嘅廚師發板，中間有兩位客人叫普通午餐，變相廚師好難分身一齊去介紹嘢食。
先來一個蒸蛋，同埋另外呢個粉（無咩特別，或者係我食唔出有咩特別）
漬物又係我要添加嘅嘢食。
差唔多每個餐都有呢個嘅刺身拼盤，或者就係呢個拼盤令到廚師可以慳返啲時間做兩枱嘅生意。
刺身有白子，黑𩶘，大拖羅同埋鮑魚。
白子入口即溶、黑𩶘比較淡味，鮑魚鮮甜，大拖羅好似有少少根（有渣既感覺）
螺，最鍾意食貝類食品㗎啦，呢個好鮮甜，食得好細，我反而想去有大大嚿嘅感覺。
蝦，都係由於另外四個客人都係叫廚師發板，全程啲蝦嘅準備都係響嗰四個客人面前都處理。放響我哋枱面嗰度就係咁樣啦，冇嘢配搭，不過轉頭就燒咗個蝦頭拎返俾我哋食。
金鯛魚鱗鱗燒
呢個好特別，白魚帶少少鮮味，佢專登將啲魚鱗燒左，脆脆地好好味，個酸薑太酸
金目鯛（左上）燒秋刀魚（右上）
中拖羅（左下）大拖羅（右下）
金目鯛唔識食，秋刀魚近排似乎真係最時令，今次食少嘅，油脂分布得多好好味。
中拖羅冇乜特別，大拖羅就真係有根。算係我唔好彩啦，我朋友嗰舊冇嘢。師傅話點解今次仲有大拖羅壽司，係因為近排啲海膽唔靚（我不知幾想食海膽）所以佢冇入貨。
最尾一個丼飯，有蟹肉有甜蝦同埋魚子。見到師傅攞一啲蟹膏撈咗好耐，原來就係撈落啲蟹肉嗰度。我覺得師傅可以再重手啲落多啲蟹膏，或者佢想我哋食到個鮮甜味，但我反而好鍾意食蟹膏嗰浸濃濃嘅味。
似乎又係我唔好彩啦，啲蟹肉入邊有軟殼。仲要有兩塊咁多。
臨尾一個清湯，同埋唔算太甜嘅蜜瓜。
價錢唔算太貴，都係果句啦，係我唔好彩囉！大拖羅有根同埋蟹肉有軟殼。
如果響安排座位嗰度可以改進少少，俾返多少少廚師嘅互動，感覺會好好多。
Post
