達順辣蟹火鍋 (Changed Hand) New Restaurant

我哋行到駱克道附近見到有間粥底邊爐，而且用着辣蟹嘅品牌，於是我哋入去試吓。我哋坐低之後見到有唔少外國人喺度，而且見到有有個好平同抵食嘅海鮮粥底套餐。所以我哋叫咗兩個套餐，每位都係$198。個套餐包括海鮮粥底，肉蟹同沙白。另外可以自選五款海鮮，我哋揀咗鮑魚，蝦，油貝，花甲同大尾魷。個粥底仲配上南瓜粒，芋頭粒同埋粟米件。我哋仲可以自選八款火鍋配料，我哋揀咗美國肥牛，芝士腸，午餐肉，蘆筍，金針菇，豬頸肉，墨魚丸同津白。海鮮全部都好新鮮，聲大碟海鮮送到上嚟嘅時候，啲花甲同沙巴都仲係識得喺度郁，肉蟹同埋鮑魚都好鮮甜，最後成個粥底都好香同埋好鮮甜。