先付
百合蜜柑清甜可口；煎廣島蠔味道鮮美，配蘿蔔蓉同三文魚籽，口感豐富；水雲滑嘟嘟，口感清爽。
鮫鰈魚
賣相吸睛令人驚喜，用液態氮製作成嘅大大泡泡球，泡泡散去就可以開始享用，鮫鰈魚有爽脆既咬勁，肉質細嫩，包住鮮甜嘅北海道馬糞海膽，配搭竹炭鹽，紫蘇花伴碟，色彩繽紛，層次感豐富。
海膽三文魚籽杯
三文魚籽自家醃製，加上北海道馬糞海膽，配搭柚子皮，鮮甜有一份清新感。
長崎縣華漣生蠔
係日本比賽拎過金獎，生蠔肉質爽口，貝柱位鮮甜，落左檸檬汁食，鮮味十足。
鰤魚刺身
大型油金魚，特別肥美，火炙做法帶出油脂香，質地柔軟而富有彈性。
豚肉信田卷煮
豚肉卷住黃芽白，用左特色醬汁煮，以紅蘿蔔、蜆肉伴碟。
銀鱈魚
火炙銀鱈魚油脂香濃，口感柔軟，配黑松露醬，增添風味。
真鯛魚
肉質細緻有彈性，味道清新淡雅同時帶有甘甜味，加左柚子皮帶來一份清新感。
活帆立貝
肉質爽口，咀嚼時會有一種微微嘅甜香。
富山縣白蝦仔
白蝦仔肉質細膩而彈牙，撒上岩鹽突出白蝦仔嘅甜味，加上紫蘇花為這道菜增添咗一份視覺同味覺上嘅清新。
大分縣中拖羅
油脂豐富，在舌尖上輕輕融化，釋放出一股微妙嘅甜味同鮮香。
北海道赤海膽
肉質細膩得好似天鵝絨一樣，帶有無比嘅鮮甜，淡雪鹽完美地突出海膽嘅甜味。
大蜆清湯
大蜆肉質爽脆，湯頭透明清爽，味道上純淨又鮮美。
白酒啫喱提子.赤肉蜜瓜
白酒啫喱質地柔軟而有彈性，入口時帶有一絲絲嘅酒香，微妙而不會過於濃烈，提子鮮甜，赤肉蜜瓜甜度高，鮮甜多汁。
