去到最熟悉既日昇見到呢間難得有位，
本身見人唔算多都無咩期望，但係見menu感覺上都幾岩食好多穩定之選就決定一試。
午餐會有餐湯，主菜同飲品，
同同行同事一樣覺得淨係意粉或者肉類會好寡，
就好開心咁決定叫黎share大滿足。
一點完單就即刻上餐湯，有我最愛既野菌湯，
雖然唔算好濃但係淡淡都食到材料。
主菜非常大份，基本上兩個人share完個carbonara就好飽。
牛扒的話我地叫左5成熟，好得意地燒到一半比較熟一半比較生，
我地將佢切開8份間隔咁食意外地感覺唔錯。
餐廳既燈光係紫色所以成日見到黃色既影子就會以為係食物出既油，直到發現潑唔開先知係燈光效果
如果人少少中午想舒適地傾計既話可以選擇呢到。
