Video
Read full review
2022-11-22
190 views
尖沙咀isquare 有好多餐廳，其中我最喜歡嘅係位於三樓嘅「野玩田店」。餐廳內裝修充滿大自然風格，環境開陽，坐得舒服，晚飯時份除左有單點食物之外仲有set dinner, 好多選擇。我地一行兩人，叫左一份set dinner，兩個菜同兩個小食share。煎蟹餅：煎蟹餅一份有六件，外脆內軟，入面非常creamy，蟹肉亦唔會鬆散，值得一讚。蕃薯薯條：蕃薯條平時唔多機會食到，用蕃薯炸成既薯條，上檯時熱辣辣，好香好甜，入口外脆內軟，配合埋蜜糖芥末醬同茄汁一齊食，大大減低油膩感，令人一條一條咁食過不停。燒什錦蔬菜串配黑蒜汁：翠玉瓜、茄子及意大利黃瓜切件後再串起，色彩繽紛，加入黑蒜汁燒過後香口得黎亦能保持水份。蒜香炒雜菜：炒雜菜有茄子、青瓜、翠玉瓜、西蘭花、紫椰菜、椰菜及紅蘿蔔，加入蒜茸炒過後聞落非常香，食落好惹味。Set dinner 包主菜，餐湯，餐包，是日甜品，同咖啡或茶。是日餐湯係味噌湯，味道唔會過重，麵包微暖，都幾軟熟。 主菜我地揀左香燒全條新鮮鱸魚配自家製泰式汁，鱸魚以低溫油封嘅烘烤方式烹調，即叫即整，等候需時。上菜時真係令我地哇一聲，因為真係好大條呀，仲長過我隻手臂呀，仲散發出陣陣
餐廳內裝修充滿大自然風格，環境開陽，坐得舒服，晚飯時份除左有單點食物之外仲有set dinner, 好多選擇。
我地一行兩人，叫左一份set dinner，兩個菜同兩個小食share。
煎蟹餅：
煎蟹餅一份有六件，外脆內軟，入面非常creamy，蟹肉亦唔會鬆散，值得一讚。
蕃薯薯條：
蕃薯條平時唔多機會食到，用蕃薯炸成既薯條，上檯時熱辣辣，好香好甜，入口外脆內軟，配合埋蜜糖芥末醬同茄汁一齊食，大大減低油膩感，令人一條一條咁食過不停。
燒什錦蔬菜串配黑蒜汁：翠玉瓜、茄子及意大利黃瓜切件後再串起，色彩繽紛，加入黑蒜汁燒過後香口得黎亦能保持水份。
蒜香炒雜菜：
炒雜菜有茄子、青瓜、翠玉瓜、西蘭花、紫椰菜、椰菜及紅蘿蔔，加入蒜茸炒過後聞落非常香，食落好惹味。
Set dinner 包主菜，餐湯，餐包，是日甜品，同咖啡或茶。
是日餐湯係味噌湯，味道唔會過重，麵包微暖，都幾軟熟。
主菜我地揀左香燒全條新鮮鱸魚配自家製泰式汁，鱸魚以低溫油封嘅烘烤方式烹調，即叫即整，等候需時。
上菜時真係令我地哇一聲，因為真係好大條呀，仲長過我隻手臂呀，仲散發出陣陣香氣，外皮酥脆，魚肉肉質嫩滑，入口鮮嫩多汁，再配合自家製泰式汁，相當開胃。
伴碟有菜同薯仔粒，薯仔粒熱辣辣，入口creamy。
是日甜品係木瓜雪耳糖水，非常滋潤，有驚喜，配埋一杯熱咖啡，為今日嘅晚餐畫上完美句號。
Post
