我更鍾意食中菜同大排檔
潮州打冷亦都係我最鍾意之一
呢間係銅鑼灣嘅鬼滷以潮式打冷為主
入面環境以紅色為主 充滿中式感
蜆仔肉生菜包
平時食泰式生菜包就食得多
用上蜆仔肉真係未試過
粒粒蜆仔肉鹹香惹味
加上新鮮爽脆嘅生菜一齊食
令整個口感更清爽
蠔仔粥
講到潮州打令又點少得蠔仔粥
蠔仔粒粒都好大粒又脹卜卜
味道好鮮甜又唔會腥
粥底嘅米粒粒粒分明唔會煮得過腍
再加上蔥花。芫荽。冬菜
味道更鹹香又甜
潮式滷水拼盤
滷水鵝片 l 慢煮鹽香雞 l 墨魚
除左蠔仔粥滷水拼盤當然都係重點!
鵝片啖啖肉 肉質結實又重鵝香
鹽香雞肉質幾嫩 雞肉鹹香
同時亦帶一陣滷水甘甜香味
墨魚爽口同樣鮮甜 掛起晒滷水汁
滷水汁甘甜又唔會太鹹
底下嘅滷水豆腐吸晒滷水汁嘅精華 豆味又香
