呢度用QR code落單好方便！好想將牆上既野叫晒黎食，可惜兩個人食下午茶都食唔到咁多野😵💫
見到個老鼠粉覺得幾特別，就叫左個招牌老鼠粉 ($48)，黎到先知都幾大碗同幾多料！
除左豬肉碎，腩肉都好惹味，不過食之前要撈勻，因為個底好多醬汁。老鼠粉口感有少少似銀針粉，撈埋汁好食😋
椰香咖央多士 ($24)，烘過既多士好香脆，配上甜味咖央一流
飲品方面就叫左杯美祿恐龍 ($28) 同怡保白咖啡 ($18)，凍既美祿恐龍入面有充滿份量既美祿粉🤣相信大人細路都中意飲！
另外白咖啡叫左少甜，甜度都ok，因為馬來西亞既咖啡本身都偏甜，少甜左都覺得香濃👍🏽
