2
餐廳有一大本厚身餐簿，有好多選擇，未能盡錄。小妹係因為口淡淡同為左自家製蕃茄麵而來，最後嗌左個「雞柳湯蕃茄麵」。
剩係睇圖都見到個麵舖滿蔬菜，有西芹、椰菜、蕃茄、洋蔥同紅籮蔔粒。下面仲埋藏左好多舊燒過既雞柳。
雞柳好嫩滑，層皮燒過香香地咁，好味。
個麵個自家製蕃茄麵，蕃茄味唔算濃，不過可能蔬菜麵本身都比較偏淡DD，都幾好既。
湯底用左大量蔬菜同蕃茄煲，所以係好香濃既羅宋湯味，開胃又營養!!
同事嗌左「滑蛋牛肉湯蕃茄麵」，佢都話唔錯!
總括來講，呢間餐廳既野食天然又有營養，平日食得多味精濃味野，間唔中食下呢度既營養湯麵都唔錯架!~
