圍威喂 (荃灣廣場) (Closed)

今晚同男朋友去食東南亞菜，我地叫左好多野，食完好飽。沙嗲雞肉串2串我好鍾意食沙嗲雞肉串架，叫左2串淺嚐。早知叫多啲啦，因為雞肉唔會鞋口，沙嗲又好食。招牌泰皇蟹肉炒飯炒得夠乾身，每啖都食到飯加蟹肉，仲有蟹籽添，十分足料又惹味，超級推薦！大蝦冬蔭功湯酸酸辣辣，入面好多菇，蝦大大隻，鍾意飲冬蔭功既男朋友表示好飲。黃咖哩海鮮多士盒好澎湃，一切啲黄咖哩搶住湧出黎，好療愈。海鮮有大蝦、青口、八爪魚，每樣各二。星空蘇打好靚之餘又好飲。檸檬甘蔗汁幾清甜。