燒肉酒場 (Closed)

爭取仲有得食晚市既日子，今晚繼續懷念日本，去咗食日式燒肉。先黎個海鮮拼盤，以兩個人黎講份量十足，共有四款海鮮，每款有兩件，兩個人食啱啱好。個人推介扇貝同蝦，非常好新鮮，基本上一燒熟唔使加任何醬料食都非常鮮甜好味。再黎係豬肉拼盤，總共有六款，每款有兩至三件，配上唔同口味既配料同醬汁，可以滿足唔同朋友既口味。個人比較推介豬頸肉，用豬頸肉本身既油份燒到脆邊之餘又不失裡面既肉汁，送酒一流。最後要推介桂花烏龍水果茶，好清新又唔會太甜，啱晒食完燒肉後清清味蕾。