觀塘區真係有好多靚樓上cafe，分享下今日朋友帶我去呢間充滿日式概念設計感嘅複合式文青咖啡空間，環境特別而且食物都好好味，適合朋友間渡過一個安靜放鬆嘅下午☕🌿
兩個女仔叫左一個蜜糖芥末醬烤雞漢堡套餐，一個係溫泉蛋黑松露忌廉野菌意大利麵套餐，兩個都配沙律，亦可以選粟米湯。
意大利麵黑松露味都幾香，忌廉汁唔算太濃有少少稀，不過整體都好食。
漢堡就冇得彈喇，烤雞肉汁非常鮮美，蜜糖芥末同烤雞簡直絕配，而且好大份，男仔都夠食。
我揀左凍cappuccino，奶泡好高好可愛，好香咖啡味，成餐lunch都好滿意♡
本來想試埋cake，但太飽食唔落，唯有下次再黎啦！
