麥金.麥金馬來西亞特式茶啡室 (Closed)

係大角咀搵食真係唔會悶！平日食得西餐多，今次轉下新口味轉換返東南亞風既新加坡菜先。舊街白咖喱麵帶住雪白湯底既白咖喱麵味道帶點甜咖喱椰香，湯底香滑帶淡淡咖喱香得黎又唔會過嗆。配上油麵滑溜彈牙，圓滾滾既麵條充滿彈性好有咬口。白咖喱麵既配料好豐富，有札肉，蝦肉，豆卜，芽菜，口感豐富又令咖喱麵更鹹香。馬拉沙爹串燒 （豬/牛/雞）燒得啱啱好唔會過焦，沙爹肉同竹籤容易分離。肉質唔會好乾柴，入口帶陣陣沙嗲香，面層花生沙嗲醬香口惹味。咖央多士烘得香脆，內裏帶斑蘭綠既咖央醬濃郁又唔會偏甜。