薯仔屋 (Closed)

今日約左一個好耐無見既朋友，所以想去d可以玩耐d同傾耐d既地方，上openrice搵下附近有咩好餐廳，見到small photo ur second home，果下即刻比佢吸引左。一打開，已經覺得好有家既感覺，入面d椅好多都係沙發，少少偏黃既燈光令到成個環境睇起來更加溫馨。入面有好多野玩，如果搞大型party既話，係一定唔會悶，種類多到不同年齡既人都岩玩。呢邊係一個比幻兒同小朋友玩既小型遊樂場。後面仲擺左好多唔同類型既玩具。中間擺左一部足球機收銀旁邊既電視下，仲有遊戲機玩。下面個櫃裝左好多board game.員工都好客咁見我地行埋去揀，就建議我地玩呢個，仲教埋我地點玩。呢個飲品種類有好多，menu成本教科書咁厚，但入面全部係野飲，我地真係揀左好耐。呢個係紅鶴，係草莓加埋啫喱仔既乳酸飲品。呢杯係絕美尢物，係水蜜桃加啫喱仔加埋乳酸。玩左一陣，就已經上左個沙津同蒜容包，上餐都算係快。之後再上左個肉醬薯條，呢個我之前係佢其他類型店鋪已經食過，大推，今次我地係食哂。蜜汁雞翼，蜜汁配左少許香草，唔錯。意粉份量好大，配料炒到好香，連平日唔食青椒既我，都食哂成碟。最後傾左陣計，玩埋個飛標我地就走左。