Video
Read full review
2019-07-26
1389 views
※本文以用餐當日的環境、服務和食物質素為準，口味亦因人而異，文章只作參考之用。-成日覺得係香港單純賣蛋糕甜品的店不多，不竟香港租金昂貴，就算一件賣四五十元的蛋糕店都以外賣居多。有時想搵間蛋糕店好好坐低品嚐蛋糕的話，位於中環的vive cake會係一個不錯的選擇。第二次黎到中環店既Vive Cake，仲記得第一次黎覺得佢地成間店都係粉紅色，裝潢夢幻充滿少女心；不定時會推出限定又靚又可愛既蛋糕，完全岩晒相機食先的小妹！最近佢地更推出左數款夏日甜品同飲品，色彩繽紛，款款賣相都好精緻又可愛！一口氣食左三款夏日系列既蛋糕，Mini-cone、Flamingo和Coco-Aloha。Mini-cone $58小妹最愛粉紅色帶點夢幻的mini-cone，其實呢款可算係代表著vive招牌蛋糕Uni-Cone的迷你版啊！這款像被反轉雪糕筒的可愛模樣，以海綿蛋糕、芒果蜜餞和柚子慕絲組合而成，頂著的雪糕筒則是由脆餅所製。食落帶點酸酸甜甜的柚子慕絲，味道清幽，很適合夏天食呢。Coco-Aloha $58這款像椰子飲品的蛋糕小妹也非常喜歡呢，樣子可愛幾可亂真。椰子的外殼以朱古力所製，中間係充滿椰香質感幼滑的椰子
-
成日覺得係香港單純賣蛋糕甜品的店不多，不竟香港租金昂貴，就算一件賣四五十元的蛋糕店都以外賣居多。有時想搵間蛋糕店好好坐低品嚐蛋糕的話，位於中環的vive cake會係一個不錯的選擇。
第二次黎到中環店既Vive Cake，仲記得第一次黎覺得佢地成間店都係粉紅色，裝潢夢幻充滿少女心；不定時會推出限定又靚又可愛既蛋糕，完全岩晒相機食先的小妹！
最近佢地更推出左數款夏日甜品同飲品，色彩繽紛，款款賣相都好精緻又可愛！
一口氣食左三款夏日系列既蛋糕，Mini-cone、Flamingo和Coco-Aloha。
Mini-cone $58
小妹最愛粉紅色帶點夢幻的mini-cone，其實呢款可算係代表著vive招牌蛋糕Uni-Cone的迷你版啊！
這款像被反轉雪糕筒的可愛模樣，以海綿蛋糕、芒果蜜餞和柚子慕絲組合而成，頂著的雪糕筒則是由脆餅所製。食落帶點酸酸甜甜的柚子慕絲，味道清幽，很適合夏天食呢。
Coco-Aloha $58
這款像椰子飲品的蛋糕小妹也非常喜歡呢，樣子可愛幾可亂真。椰子的外殼以朱古力所製，中間係充滿椰香質感幼滑的椰子慕絲，面頭放上了菠蘿肉，插上一枝迷你的金色飲管，外型突出又好食。
Flamingo Floatie $55
近來香港周不時都看到「紅鶴」的蹤影，這個充滿著夏日氣息的紅鶴外型的充氣船。以海綿蛋糕、茉莉花茶果凍、烏龍茶和朱古力慕絲製成，吃得出陣陣烏龍茶香，但個人覺得整體味道稍甜少少。
Watermelon Mojito $68 、Pineapple Slushie
叫左兩杯新出的夏日特飲，兩款雞尾酒造型的賣相都很特色，特別愛Watermelon Mojito，裡面有西瓜肉、薄荷葉和青檸等，味道很清新解渴，推薦這杯。
Pineapple Slushie這杯是菠蘿沙冰，飲落味道很清幽。但由於沙冰很滿，就是沒飲管的話飲的時間有點狼狽（拿上來時沙冰很易倒在身上），所以最後還是忍不住要了飲管呢。
Post
