酒家地點唔錯係正地鐵站A2出口，而食既野都係一般飲茶會食到既野，但味道唔錯勝在新鮮熱辣，同服務一流👍🏻
同屋企人小聚，所以我地都只係點左點心食一路食一路傾下計，享受下家庭樂😆😆😆
我地點左既點心包括：細個最鍾意食既炸魷魚蘇、蝦餃、燒賣、鮑汁雞腳、魚滑釀豆腐、炸魚鮫、蜜汁叉燒、炒鮮魷、同紅棗薑汁糕。
每一樣野就咁睇好似都冇咩特別，但飲茶就係咁，野唔雖要要特別，只要夠新鮮蒸起夠熱就好食！
其中最令我開心係可以食到炸魷魚蘇，因為炸得香脆既魷魚蘇係兒時最愛，而家已經唔多地方有了～但同屋企人一齊係康山飲茶後去行對面既吉之島實在係童年回憶，這些美好回憶就只有去康山飲茶才有，如果同樣是80後的你一定會明白～
