本場

Open Now

Now Closed

見網上推介好似幾好加上見Openrice唔少好評，決定同朋友一試午市。一去到見到無人心諗唔通係伏，訂左枱就照入去試下啦，揀左個$328餐有78折。首先送盤少少地嘅肉你地食先，等你可以慢慢點，點知一夾，「頂」隻碟同d肉係黐住，好明顯係成隻碟放入雪櫃一齊雪而有嘅效果啦（都唔知係咪前一晚淨落隨手放返雪櫃）。第一盤咁之後都唔敢有任何期望。跟住上黎嘅肉睇落有d雪花應該唔錯啦，但點知又係一般貨色，最厲害係全部肉都好似未解凍咁，d豬腸硬到好似冰，任何味噌味嘅食物都其實將一pat醬放肉上面就係，前菜正常（因為係來貨），其他肉色似漢xx嗰類，生菜都係街市貨色，小食反而還好，整體黎講咁嘅價錢中午有更多好選擇囉。唯一要讚嘅係原本限時120分鐘，但我地坐到16:00都無趕客，可能係因為全個晏畫只得三枱客。總括黎講無下次，埋單之後朋友就要求我一定要寫食評，將個最真實嘅情況話俾人知，完。