呢餐台式晚餐真係樣樣好食，完全無踩雷！蔥香手撕雞腿必點，雞肉嫩滑多汁，撕得鬆散，裹住滿滿蔥香醬汁，鹹香夠味，食到舔舔脷～
肉燥拌芽菜配白飯簡直絕配！肉燥香濃入味，芽菜爽脆解膩，白飯吸晒肉燥汁，粒粒分明，一口落去超過癮～ 紫菜湯清甜順口，料都幾足，飲完好舒服。
鹽酥雞排外脆內嫩，肉質厚實唔會乾柴，椒鹽味夠晒香；花枝丸彈牙多汁，咬開有淡淡鮮味，兩款小食配飯一流！
甜品芒果控雙麻糌澇超驚喜，麻糬軟糯Q彈，芒果新鮮甜多汁，小芋圓增加口感，甜而不膩～ 飲品揀咗火龍果多多梳打同芒雪浮光，梳打火龍果味清新，少冰微糖剛剛好；芒雪浮光茉莉茶香混合芒果甜，加輕乳好順滑，解膩又清爽！
性價比好高，分量十足，鍾意台式風味嘅朋友一定要試～
