逸之燒 (Closed)

呢日黎到位於元朗既逸之燒，環境清靜有格調，真係好似去左日本既居酒屋咁！食物既款式同種類都非常多，應有盡有。首先，叫左半份雞泡魚乾，好適合作為開胃前菜，雞泡魚乾軟硬適中，唔會燒到太乾柴，加上沙律醬，好正！左口魚裙邊壽司，非常高質，左口魚入口即溶，而且表面有少少焦香，增加左風味銀雪魚西京燒，魚肉肉質細滑，好香口，亦唔會一夾就散晒北海島黃金燒帶子，帶子好大隻彈牙爽甜，表面仲沾滿晒芝士，好邪惡汁燒免治雞肉棒，好爽脆，外層既汁甜甜地，平均返整體既味道豚肉芝士年糕串，豚肉肉汁豐富，一啖咬落去，入面既芝士年糕湧出黎好滿足，微甜加上豚肉既肉香，味道好夾！皇帝蟹炒飯，估唔到係直接用皇帝蟹蓋上碟份量好多，炒飯粒粒分明，唔會太油膩，入面亦有好多蟹肉安格斯牛小排壽喜燒，追加稻庭烏冬，安格斯牛小排顏色好粉嫩，而且軟腍，肉味突出，加上稻庭烏冬，份量岩岩好