緣聚 (Closed)

收工嗰陣朋友想食日本放題，咁啱佢住元朗附近，我就suggest緣聚，上網見好多人都話好食，款式多又抵食，決定去試下，果然冇令我失望🥰壽司方面就分咗火炙壽司，同埋普通壽司，兩款壽司嘅款式都有好多，特別推薦大家食燒和牛壽司，呢款壽司喺其他日本放題都唔會食到，一定要試🥳魚生方面，有三文魚，吞拿魚，油甘魚，帶子赤蝦、甜蝦，赤貝，全部都好新鮮，但係唔會太大舊，鍾意食魚生嘅朋友可能要叫多幾次😊熱食方面我就食以下呢幾樣，清酒煮蜆，薯仔沙律同茶碗蒸，清酒煮蜆啲蜆都好大粒，清酒味好濃，薯仔沙律就好特別，用個脆筒包住佢，茶碗蒸細細個，食落唔會太飽，胃口細嘅朋友仔記得要食😝小食方面天婦羅好好味，有天婦羅大蝦、蟹柳同赤蝦，全部都入口即溶，除此之外，大家一定要食甲羅燒，唔係好多地方放題有呢樣食，鵝肝多士都唔錯，鵝肝唔會太大舊，所以唔會好油膩☺️飲品同甜品方面都有好多選擇，我自己就揀咗生啤，個杯雪到好冰，飲住相片食住串燒真係好爽🥰