柏妮絲咖啡店 (Closed)

今年追唔到櫻，唯有飲返杯櫻花咖啡，彌補遺憾。🌸 元朗西菁街嘅SB square（柏妮絲），有一款以別緻嘅櫻花拉花Latte～☕🌸🌸 不過雖然話就話櫻花，實際係玫瑰味🌹😂 用碎玫瑰花花瓣鋪面，朱古力畫樹幹，睇見都令人少女心爆發～😍 味道方面，我覺得比想像中好！咖啡味好敦厚，夾雜濃郁嘅玫瑰及堅果香，而且口感順滑，相當唔錯！😉 而且玫瑰latte仲有分大、小size～好似我呢啲飲咖啡好易訓唔著嘅人，就可揀小size，幾貼心～😚 因為肚餓關係，我仲另外叫咗個煙三文魚意大利包，我覺得呢個包不過不失，三文魚幾厚，不過略嫌意大利包唔夠鬆軟，有啲硬。 Cafe唔算好大，不過人頭湧湧！  總結嚟講，SB square感覺飲品及甜品會出色過鹹點。