一上碟就聞到濃郁嘅海鮮香氣，墨魚汁意粉煮得啱啱好，保持到al dente口感，每條扁意粉都掛滿烏黑亮澤嘅墨魚汁，入口係滿滿嘅海洋鮮味！帶子煎到外層微焦，內裡保持軟嫩，仲有兩隻開邊大海蝦，蝦肉爽彈鮮甜，絕對係真材實料。
最驚喜係墨魚汁唔會死鹹，反而帶點奶油香氣，仲加入咗蒜片同香草提升風味。雖然食完成個口都黑掹掹，但真係忍唔住一啖接一啖！餐廳好貼心，仲附送檸檬水同濕紙巾，等大家可以輕鬆還原雪白牙齒～
雖然位置有少少隱世，但絕對值得專程過嚟試！呢個意粉無論味道同賣相都拍得住酒店級數，但價錢親民得多。已經同朋友約定，下次要再嚟試埋其他招牌菜！
1
3
1
1
