尋味來•鮮湯米線

Open Now

Now Closed

懶寫食評但呢間真係唔寫唔得！平時喺元朗都會食佢，有時出到嚟諗唔到食咩又會食，因為又好食又唔會口渴，又唔貴佢嘅燉湯足料得嚟唔會有太濃、太假嘅味道，好鮮，飲到食材真實味道👍多數人都會飲花膠雞，好多時都賣晒，不過我都好欣賞佢其他嘅湯，例如竹笙椰子雞，仲有潮汕口味嘅青欖鮑魚湯有時唔想飲咁大碗湯就會嗌米線，啲配料都好好食，雞翼好香好脆，但又唔會好油。特別嘅係有牛扎肉。而且環境、裝修亦都好舒服，個地下絕對唔會油淋淋，食物上碟個樣都好靚，睇得出花咗好多心機😊最近見到附近有啲舖頭都做唔落去，希望呢間小店多啲人幫襯捱得住，因為真係好好食🫣🫣