餐廳走簡約水泥工業風，環境勁Chill好舒服，真心好適合帶女朋友或者同BFF嚟嘆個Brunch或者下午茶打卡📸，傾計一流！佢哋主打高質西式Fusion菜，Menu選擇超多，當中手工意粉更加係佢哋嘅Signature，絕對唔可以錯過🔥！仲要已經出咗聖誕大餐Menu🥳
前菜先嚟個「24個月火腿蜜瓜」🍈，火腿鹹香適中，加上蜜瓜嘅清甜多汁，鹹甜交織嘅滋味真係無得輸，開胃一流🤤！
想Fresh啲可以叫埋「蒜香蝦柚子雜果沙律」🥗，大蝦煎得好香口彈牙🍤，配埋酸酸甜甜嘅柚子汁同雜果，感覺好清新，食多幾啖都唔怕肥！
主食大推介「脆炸軟殼蟹、海苔魷魚粉紅汁手工意大利麥麵」🦀！原隻軟殼蟹炸到卜卜脆，個粉紅汁超級Creamy掛汁，帶點海苔鮮味🌊，最驚喜係手工麥麵咬落煙韌有口感，每一啖都好滿足💯。
食肉獸就要試下「香煎澳洲雪花牛柳」🍳，牛柳煎得啱啱好，肉質粉嫩Juicy🥩，切開仲有肉汁鎖住，配埋熱辣辣薯餅，大滿足！
甜品控必叫「抹茶巴斯克蛋糕」🍵！呢個配搭勁豐富，有雪糕、紅豆同煙韌丸子🍡，仲淋上一層邪惡嘅芝士奶蓋🧀，抹茶味回甘得嚟唔會死甜，層次感爆燈✨！
飲品方面，杯「意大利朱古力」夠哂濃郁香滑🍫；如果食得太飽，飲杯「蘋果紅菜頭西柚檸檬汁」🍎就啱晒，酸酸地健康又解膩！
總括嚟講，呢度無論環境定食物質素都好高，係元朗難得嘅高質Cafe，下次一定會再Encore👍🏻！
