Video
Read full review
2021-11-24
43 views
天氣突然變凍最適合冬眠，睡到三點然後落街搵嘢食。元朗區出名多cafe而且各有特色，今次試呢間裝修比較現代風，座位擺設闊落，門口放了一盞射燈及一張型格sofa，適合帶寵物嘅朋友，亦有bar枱高椅，天氣涼爽坐bar枱戶外都好chill。 我地叫=烤大啡菇安格斯牛肉漢堡配薯條 $110=厚身安格斯牛肉加上大啡菇洋蔥蕃茄生菜芝士，全部厚切分量之大絕對交足貨，一口咬落去係完全咬唔曬！麵包用咗黑芝麻白芝麻感覺較健康，牛肉用上安格斯牛係值得讚賞，牛魔王表示安格斯牛係最有牛味最好食的。以往食漢堡通常最求其嘅係洋蔥生菜蕃茄，但今次餐廳絕不欺場全部厚切，令洋蔥生菜蕃茄可以中和左牛肉嘅肥膩感。另外仲有配沙律菜+黑醋汁同薯條薯條厚身又唔會炸得過份熱氣，沙律菜加黑醋汁我覺得係絕配，成個set 少少邪惡感又有d菜中和番。 =冬陰功海鮮椰香手打意大利麵 $98=絕對係意想不到！首先在廚房上碟後放在射燈下照著已經相當吸睛，外貌協會嘅我已經俾個賣相吸引住，完全同傳統意式手打意粉餐廳無異，而且配料加上椰汁混合冬陰功的醬汁香味十分撲鼻，未入口己經到味道有一定程度嘅期盼。果然不負期望，海鮮有兩隻蝦，四隻青口，冬陰功醬汁味道豐
我地叫
=烤大啡菇安格斯牛肉漢堡配薯條 $110=
厚身安格斯牛肉加上大啡菇洋蔥蕃茄生菜芝士，全部厚切分量之大絕對交足貨，一口咬落去係完全咬唔曬！麵包用咗黑芝麻白芝麻感覺較健康，牛肉用上安格斯牛係值得讚賞，牛魔王表示安格斯牛係最有牛味最好食的。以往食漢堡通常最求其嘅係洋蔥生菜蕃茄，但今次餐廳絕不欺場全部厚切，令洋蔥生菜蕃茄可以中和左牛肉嘅肥膩感。
另外仲有配沙律菜+黑醋汁同薯條
薯條厚身又唔會炸得過份熱氣，沙律菜加黑醋汁我覺得係絕配，成個set 少少邪惡感又有d菜中和番。
=冬陰功海鮮椰香手打意大利麵 $98=
絕對係意想不到！首先在廚房上碟後放在射燈下照著已經相當吸睛，外貌協會嘅我已經俾個賣相吸引住，完全同傳統意式手打意粉餐廳無異，而且配料加上椰汁混合冬陰功的醬汁香味十分撲鼻，未入口己經到味道有一定程度嘅期盼。
果然不負期望，海鮮有兩隻蝦，四隻青口，冬陰功醬汁味道豐富，少少辣味但又不會太辣，就算唔食辣嘅朋友都能夠食到。手打意粉混合這個冬陰功醬汁比起傳統意粉更加能夠帶出醬汁嘅豐富，口感更加入味。
飲品方面我哋叫左
=Flat white $35 及Long Black $30=
Flat white 有用心的拉花圖案，唔會太多奶蓋過左咖啡豆香，味道十分balance，不錯！Long Black 亦不會太苦，亦能夠帶出豆香，啱曬鐘情於咖啡豆香嘅朋友。
整體而言，餐廳給人一個舒服的感覺，有時間的話絕對可以坐低放空一個下午。食物質素亦相當高，餐廳的設計亦可以吸引熱愛打卡嘅朋友。呢間pet friendly 嘅餐廳門口有空間可以招待帶寵物嘅朋友，秋高氣爽，適合行完山放完狗同朋友聚腳嘅地方。
餐牌：
Post
