只要入去元朗鮮道樂，馬上就食到。
坐低就食大k最鍾意嘅加拿大海膽壽司！
入口即溶新鮮美味係初 夏嘅必然選擇。
跟住係各式各樣唔同嘅美味刺身，三文魚北寄貝鮮蝦 油甘魚 帶子 新鮮美味冇得頂！
仲叫咗個芝士年糕，本來只係隨便點點。但係就變咗開心大發現！個芝士年糕好似流心 流出嚟。記得要趁熱食呀！
到咗我最期待嘅安格斯牛小排，係今晚嘅重點出場。
一放上枱個爐上面有一塊熱石已經霸氣十足！
話淨係見到都已經好想食啦！
睇下啲安格斯牛小排， 肥瘦均勻 ！淨係見到已經流曬口水。
除咗太好食同埋唔夠食之外根本係無懈可擊！
食得啦唔講咁多住食嘢先！
食完個shabu-shabu好似都仲爭少少 ！食多個軟殼蟹壽司手捲簡直係完美嘅句號。
