半斤餃子

Open Now

Now Closed

今日終於試咗元朗嘅半斤餃子，見到身邊朋友試咗都話唔錯，餐牌都幾多選擇，仲有好多多款創意餃子，午市都幾多街坊幫襯去食餃子當然唔可以錯過韭菜豬肉餃，煎制火候一流，外皮那叫一個香脆，咬落去，內裡餡料鮮嫩多汁，汁水都會爆出嚟。搭配嘅野生菌螺肉雞湯，簡直鮮味爆棚，一啖餃子一啖湯，正到無得彈。另外試埋香菜馬蹄豬肉餃，怕熱氣揀咗做湯餃，作為芫荽控一啖入邊已經有好多芫荽，有香味有口感，無得輸風味皮蛋都好有驚喜，口感軟滑，獨特嘅味道越食越上癮。麻辣拌麵同口水雞嘅組合，麻辣香氣四溢，每啖都超過癮。📍半斤餃子元朗教育路54-60號順發大樓地下D&P號舖