Video
Read full review
2016-10-10
815 views
好耐之前我去過一次，當時已經覺得佢幾特別，因為元朗好小有不安於現狀嘅甜品店😂不時轉款比客人驚喜又要好食其實唔易，但我欣賞老闆好有心思，不斷創新。三個人食完個超飽晚餐都專登走過嚟用女士第二個胃食甜品😆今次叫咗個大set,五款指定，三款神秘。老闆一放抵就好明白我哋咁講「比你哋影相先，我一陣先嚟介紹，不過要快喎，怕你哋啲雪糕溶😂」第一個一定食有雪糕嗰個先，蘋果撻加雲呢拿雪糕，面層有炸脆咗嘅落果絲，雪糕內有好多雲呢拿籽，好香渦，蘋果撻暖暖哋，連埋雪糕同脆絲一齊食好夾。玫瑰荔枝燉蛋，面頭有一朵香脆嘅玫瑰花，好別緻又靚，老闆話要忍心摧花將朵玫瑰壓碎再撈落燉蛋食，玫瑰味香，再加淡淡荔枝味，燉蛋超滑，加埋脆脆玫瑰花，口感好豐富。蕃茄芭菲配紫薯慕絲，完全無諗過蕃茄係可以用嚟做甜品，唔甜又清新，面頭個蛋白餅香脆比出面食嘅無咁甜，再加埋淡淡嘅紫薯慕絲，整體感覺令你覺得好Fresh,帶一點田園feel。雜莓芝士忌廉杯，酸酸甜甜，芝士味唔重，但好滑。其實開始滯時食呢個都唔錯，因為唔太甜又唔漏。神秘甜品1，其實唔記得咩名，只知上面裝飾係腐竹炸成，下面有柚子同橙，質感似啫哩，好醒胃，正😍燒焦蕉杯，香蕉芭菲加brow
三個人食完個超飽晚餐都專登走過嚟用女士第二個胃食甜品😆
今次叫咗個大set,五款指定，三款神秘。老闆一放抵就好明白我哋咁講「比你哋影相先，我一陣先嚟介紹，不過要快喎，怕你哋啲雪糕溶😂」
第一個一定食有雪糕嗰個先，蘋果撻加雲呢拿雪糕，面層有炸脆咗嘅落果絲，雪糕內有好多雲呢拿籽，好香渦，蘋果撻暖暖哋，連埋雪糕同脆絲一齊食好夾。
玫瑰荔枝燉蛋，面頭有一朵香脆嘅玫瑰花，好別緻又靚，老闆話要忍心摧花將朵玫瑰壓碎再撈落燉蛋食，玫瑰味香，再加淡淡荔枝味，燉蛋超滑，加埋脆脆玫瑰花，口感好豐富。
蕃茄芭菲配紫薯慕絲，完全無諗過蕃茄係可以用嚟做甜品，唔甜又清新，面頭個蛋白餅香脆比出面食嘅無咁甜，再加埋淡淡嘅紫薯慕絲，整體感覺令你覺得好Fresh,帶一點田園feel。
雜莓芝士忌廉杯，酸酸甜甜，芝士味唔重，但好滑。其實開始滯時食呢個都唔錯，因為唔太甜又唔漏。
神秘甜品1，其實唔記得咩名，只知上面裝飾係腐竹炸成，下面有柚子同橙，質感似啫哩，好醒胃，正😍
燒焦蕉杯，香蕉芭菲加brownies, 底層香蕉加咗焦糖，變得略甜，但還可以接受，呢個比之前的濃味，鍾意朱古力嘅朋友實喜歡❤️
神秘甜品2，綠茶慕絲唔知咩(人老了，忘了名字）綠茶味甘，香濃。中間夾住紅豆啫哩，綠茶同紅豆一向係絕配，我喜歡佢不太甜，因為有好多都會做到紅豆太甜搶走綠茶味，這個做得剛好。
最後一個神秘甜品3，完全唔記得咩名，只知有栗子,有慕絲，再加個浸朱古力醬嘅朱古力水泡餅，老闆好細心照顧到小朋友，因為佢話本來呢款甜餅應該用酒浸，但因多小朋友嚟幫襯，就改用朱古力，但老實說，八個當中我最不喜歡這一個，上層慕絲無特別，個餅浸到林pat pat,唔太好食。
總結係好好食又特別，$198可以試到八款不同甜品，我覺得超值😍
Post
