天澗居酒屋 (Closed)

元朗有好多間日本菜餐廳，今次嚟到呢間天澗居酒屋餐廳位置方便，門面裝修好靚，走高格調日本風。入面卡位私隱度高，仲有幾間榻榻米房，方便一班朋友自成一房舒舒服服咁用餐餐廳做緊唔同嘅優惠，先係壽喜燒鍋，晚市每枱消費滿$80就可以加$1有個二選一鍋物，超級抵！因為想試兩款肉，所以叫咗❇️美國豚肩肉鍋，再加$1試埋美國牛五花壽喜燒▶️首先個湯底清甜，入面舖滿豆腐、菇類及菜，好足料。兩款肉的份量都唔少，牛五花肉味比較濃，兩款肉的肉質都算嫩滑，另外配咗個讚歧烏冬，食落唔太彈牙，但勝在夠大碗❇️鐵板海膽汁燒蠔 $78▶️蠔肉大大隻，每隻沾滿海膽汁，食到蠔肉本身的香味亦增添咗海膽汁的惹味，都幾特別❇️火灸壽司6點(廚師發板) $78▶️嚟到居酒屋當然要試下壽司啦！有皇帝蟹棒、拖羅、赤蝦、帶子、平目魚邊三文魚，全部灸燒過，加埋每款特配醬汁，微微焦香中增添了味道層次❇️吞拿魚5點(優惠價) $78▶️一次過有齊唔同部位的吞拿魚，全部都新鮮，入口魚油甘香而且好嫩滑❇️迷你石鍋鰻魚飯 $58▶️雖然話迷你，其實飯量都唔算少。鰻魚都幾厚肉，中間舖咗蛋絲，個底仲食到香脆飯焦❇️巨峰乳酸梳打(買一送一) $38▶️大大杯，買一送一價錢好抵！整