MASAM (Closed)

元朗廣場行完街，行左去後面條小食街搵食，發現有間新開既食店，主打漢堡，拎起張傳單睇，原來仲有熱狗，小食，款式多多，點左個芝士肉醬熱狗同牛仔腸食，唔錯bor, 芝士肉醬夠晒香，又大隻，肉醬味濃，只是芝士拉絲不足，我鍾意食極邪惡果種拉絲芝士，如果加多d芝士就完美，但係勝在價錢抵食，熱狗加埋個小食牛仔腸都唔洗$50，大熱天時特別口渴，原來熱狗可以轉套餐有薯條汽水，但唔係咁想食薯條，所以無轉，本以為飲品得汽水揀，最估唔到漢堡店竟然有冰鎮咖啡，即刻點左枝解一解暑，咖啡味香濃，一飲就知唔係普通茶記咖啡質素，問一問店員，原來是店長用即磨咖啡機自家製沖泡，啡味十足，小食都仲有好多選擇，過黎搵小食又唔想食魚蛋腸粉，不妨試吓呢一間新店既小食同熱狗！