叁淥火鍋 (Closed)

元朗叁淥火鍋 心思小店自製醬料 勁多餸沙嗲湯底店內裝修好特別，係舊式屋邨嘅風格，每張枱之間都好闊落，坐得好舒服。醬料特別介紹香辣醬，係大廚秘製配方，食到咸香又辣，好夠味，就咁落呢個加少少豉油同蔥已經超惹味，推介！必落！湯底—松茸野菌湯配沙嗲一上枱滾起已經聞到超級香嘅松茸味道，見到湯底超多材料，完全唔HEA你，飲咗啖好鮮味。鴛鴦湯底另一邊我地揀咗沙嗲，真係好有驚喜，因為要食晒啲底料都已經飽晒呀！大廚落咗幾多豆腐同豬皮，配埋大廚親自炒嘅沙嗲醬，香氣十足，比出面嘅湯底特別有風味，無乜味精，就咁飲都唔會口渴。至尊手切牛拼盤好少本地火鍋店有牛嘅其他部位選擇，所以覺得好特別，而且呢啲部位真係市面少有，包括有牛三角、牛小排、吊龍同牛胸油，勁香勁好味，一次過滿足晒我地口味，推介！唐生菜—勁新鮮，爽脆鮮甜。即炸響鈴卷入面有紫菜，增添香味，佢呢隻非常特別，係近似腐皮卷同一般響鈴之間嘅味道，好香豆味，係老闆親自研發嘅，如果中意食腐皮卷嘅人，一定唔好錯過！手打黑松露豚肉丸呢個好香黑松露味，手打得嚟都算彈牙，幾好食。飲品我地揀咗冰檸茶同咸檸梳打，好飲又非常大杯，打完一餐邊爐都夠飲。總括而言，呢間火鍋店係一間落足