焰拉麵 (Closed)

我係元朗飲飲食食過好多間日本野，其實全部都大同小異，所以今日想分享下一間專食拉麵既餐廳，焰拉麵，佢地既湯底我同好多朋友都食過，一食就食得出係用左好多豬骨去煲左好耐既豬骨濃湯，唔似其他餐廳既所謂豬骨精湯底，佢地賣既係博多拉麵，所以都係用上直身幼拉麵，濃湯，多蔥！我留意到身邊好多人問點解d拉麵甘幼d湯底甘濃，其實有無留意返，正宗既博多拉麵係點既呢？其次就係配料，佢地用既係豬腩肉，有肥有瘦入口即溶，想食瘦既可以事先同服務員講，仲有豬軟骨，其實豬軟骨中間既唔係肥肉，係軟骨，佢地既豬軟骨做到好棉，係好正既，如果大家要食正宗用心做既拉麵，我可以推薦大家去下