Video
Read full review
2022-03-14
14 views
差不多一年前，某雜誌報道過後已經幫襯過，上次因為係shopping 緊嘅關係，只係買咗個袋裝撈麵醫肚，巳經一試難忘。今日喺Yoho shopping 完，知道佢新舖唔係相隔好遠，直情落去深度探索。💎 袋裝撈麵蟹籽，紫菜絲，麵同醬汁，辣辣地好惹味，呢包撈麵對於我嚟講味道係其次，食完可以勾起童年回憶先係重點。💎 賽磅蟹杯麵加水杯麵我食得多，呢種杯麵都係第一次，有賽磅蟹，蟹籽，芫荽，粟米，相反佢醬汁唔濃，反而唔會搶咗賽磅蟹嘅味道。💎 爆炒烏冬大量蟹籽，紫菜絲，烏冬，芫荽，如果唔要大量蟹籽要大量芫荽都得，人如其名，烏冬係爆炒過，鑊氣重，一間小店可以做到有小炒水準都幾驚喜。💎 爆炒雞軟骨鍾意重口味嘅我啱哂，雞軟骨炒得好脆口，爆炒完再拌青瓜絲同蟹籽一齊食，口感辣辣地爽爽地，真係好想配返杯啤酒。💎 蟹籽沙律大量蟹籽，蟹柳，青瓜絲，紫菜絲，帶子裙邊。呢個沙律一啲都唔hea，沙律汁撈得好均勻，每條青瓜絲都沾到沙律汁，而且加咗帶子裙邊後有咬口，令到沙律加分。💎 牛乳焦糖燉蛋生活總需一點甜，而且限定發售，當然要試，牛乳味濃郁，甜度適中，剛剛焗起焦糖味香，口感細滑。知道佢地嘅辣醬係用四種辣椒精製而成的，順便買
今日喺Yoho shopping 完，知道佢新舖唔係相隔好遠，直情落去深度探索。
💎 袋裝撈麵
蟹籽，紫菜絲，麵同醬汁，辣辣地好惹味，呢包撈麵對於我嚟講味道係其次，食完可以勾起童年回憶先係重點。
💎 賽磅蟹杯麵
加水杯麵我食得多，呢種杯麵都係第一次，有賽磅蟹，蟹籽，芫荽，粟米，相反佢醬汁唔濃，反而唔會搶咗賽磅蟹嘅味道。
💎 爆炒烏冬
大量蟹籽，紫菜絲，烏冬，芫荽，如果唔要大量蟹籽要大量芫荽都得，人如其名，烏冬係爆炒過，鑊氣重，一間小店可以做到有小炒水準都幾驚喜。
💎 爆炒雞軟骨
鍾意重口味嘅我啱哂，雞軟骨炒得好脆口，爆炒完再拌青瓜絲同蟹籽一齊食，口感辣辣地爽爽地，真係好想配返杯啤酒。
💎 蟹籽沙律
大量蟹籽，蟹柳，青瓜絲，紫菜絲，帶子裙邊。呢個沙律一啲都唔hea，沙律汁撈得好均勻，每條青瓜絲都沾到沙律汁，而且加咗帶子裙邊後有咬口，令到沙律加分。
💎 牛乳焦糖燉蛋
生活總需一點甜，而且限定發售，當然要試，牛乳味濃郁，甜度適中，剛剛焗起焦糖味香，口感細滑。
知道佢地嘅辣醬係用四種辣椒精製而成的，順便買多一樽爆辣油生蒜，可以用嚟炒餸撈麵。
人均消費💰 ： ＄60
總結✍ ： 用心制作，味道香濃，爆蟹籽真係好吸睛
Post
