布萊恩·L食堂 (Closed)

小店內有十張枱度，可容納二十幾人，好彩訂左位，入店一陣已坐滿人，小店雖小，但款式好多，主打手打漢堡扒及漢堡包。先叫個小食，黑椒牛油巨型珍寶帶子$69，好大一粒，有兩大粒，每粒還可一開二，帶子夠鮮甜，面有啲香草黑椒調味，牛油煎香了令帶子微微焦香。另一小食叫了碎鰻魚芝士蛋卷$58，蛋卷好大份，內層芝士味濃，有多粒鰻魚，主菜叫了一份鐵板牛肉漢堡扒拼香煎鵝肝$148，已配了肥美薯條，黑椒牛油巨型珍寶帶子$6再追加$18要大啡菇牛肉漢堡精心泡製，全人手打，令肉質夠彈牙，厚肉，肉汁夠多，而鵝肝煎香配牛一齊食，豐富了味道層次，之後再叫了香蒜牛油雞翼$29，雞翼面層被香蒜味濃罩住，熱辣辣新鮮炸起，食起黎有牛油香，最後飲品可以半價叫特飲，就點了雜莓味既特飲，用純天然既雜莓攪拌而成的沙冰，上面還加上忌廉，莓味唔算酸，美味的特飲。見牆上還推介特價外賣漢堡 都係$19 超抵。離開時門口已有十幾人等位，超誇張，極受歡迎的小店。