canton pot (Closed)

估唔到呢度有一間酒店式服務嘅火鍋店🙈🙈疫期間仲有口罩送！首先，一坐低職員就拎咗十二道『瘋』味醬料過來。除左有平時嘅蔥花、蒜蓉、麻醬、辣椒 等，一定要試嘅係自製麻辣醬、廖孖記腐乳同埋自家製沙嗲醬，相當有誠意！！～湯底方面我哋揀咗龍蝦湯拼麻辣🌶🌶 龍蝦湯仲可以倒落隻杯仔度飲，好鮮甜。肉類方面有新鮮沙巴龍躉、本地新鮮牛頸脊同黑豚肉。魚肉爽甜彈牙，牛肉嫩滑。個人最鍾意呢個松茸野菌福袋，好香菇味！除此之外仲叫咗四寶丸拼盤、釀蟹鉗、即炸響鈴卷、菇類蔬菜拼盤、三色麵。總括嚟講，我會話呢度有舒服環境、體貼服務、精緻食材😆😌 Privacy 相當之高仲可以舒舒服服同靜靜地咁食餐火鍋。