匠伊兵衛 (Closed)

尖沙咀iSquare上層多間食肆之中，除中式食府外，大部份都有以靚景做賣點。今次黎嘅呢間匠伊兵衛同樣都係靚景掛帥，食物資素上雖則唔係驚為天人，但都值得大家到來一試...餐廳格局偏向較現代和式設計，坐得都幾舒服。價錢方面，午市定食由$80至$230不等，唔算特別平，但睇返分量同味道，尚算合理～雜錦刺身壽司飯定食($130)整體賣相精緻，份量亦算唔少，起動...!!!雜錦魚生飯用料新鮮，除左三文魚，鱆紅，吞拿，魚籽之外，仲有帶子裙邊同埋大大隻牡丹蝦，非常豐富抵食。睇下隻蝦幾新鮮幾靚！唔單止外貌夠晒靚，入口仲要好鮮甜仲好爽添，掂到爆！天婦羅漿粉唔厚，入面有蝦，南瓜，番薯同埋紫蘇葉，炸得幾有水準～！牛肉火鍋定食($95)雖然配套無乜特別，但火鍋本身都已經幾大個，牛肉亦比得多唔孤寒，唔錯架～！湯底夠濃好好味，冬菇同大蔥吸晒湯汁後食落更加覺得正，牛肉肉味豐腴，大大塊幾好味～！火鍋入面嘅豆腐，原來係先煎香左一邊再放入去，吸埋濃湯真係送飯一流～另外叫左一客牛舌串燒($35)同埋帶子串燒($30)，味道不過不失，但相比好多居酒屋就完全唔入流，似乎呢度串燒唔係強項，下次再黎可以無視...餐後送上幾片西瓜做