Video
Read full review
2019-07-19
46 views
我係佐敦個頭上完堂，等埋老公放工食晚飯，周圍行下尋覓一下有咩新餐廳。經過見到呢間新開點心舖頭，原來先剛剛開業左幾日，現階段仲係試業期間，但現場已經不乏食客。店內裝修簡約，環境明亮，而且坐得舒服，唔會好迫。新開業期間有優惠喔！餐牌上嘅點心選擇非常多呀，包羅萬有！老闆非常友善，為我地介紹幾款點心佢特別推薦，係必食之選，而且佢話所有點心都係即叫即整，所以要耐心等候。對於我嚟講無食過蝦餃燒賣即係等於無飲過茶！蝦餃燒賣係必食！但平時一籠4件，如果得2個人食，仲要叫2籠就食唔到其他野，但呢到完全無呢問題，提供2件或4件選擇！蝦餃係大推薦呀！非常高水準！比起一般係酒樓食到嘅質素高。我好欣賞佢個皮做得好好，完全唔會好削一夾就爛，有彈性得嚟又有咬口，蝦大隻爽口不在話下啦。燒賣淨睇賣相都知相當唔錯，大大隻蝦仁呀金沙脆皮銀蘿腸呢一個亦好好食，入面脆網非常香脆，就算淋左豉油，亦無減佢嘅香脆度，蘿蔔粗絲香甜，腸粉皮滑又薄，整體做得相當唔錯！炸鮮蝦腐皮卷蝦仁貫徹始終大粒爽口彈牙，新鮮炸起，非常酥脆，食到舔舔脷！籠仔金銀蒜海蝦飯當初以為3x蚊一個飯，份量一定唔會好大，但嚟到原來份量十足！老公讚呢個飯好好食，飯吸左蝦
經過見到呢間新開點心舖頭，原來先剛剛開業左幾日，現階段仲係試業期間，但現場已經不乏食客。
店內裝修簡約，環境明亮，而且坐得舒服，唔會好迫。
新開業期間有優惠喔！
餐牌上嘅點心選擇非常多呀，包羅萬有！
老闆非常友善，為我地介紹幾款點心佢特別推薦，係必食之選，而且佢話所有點心都係即叫即整，所以要耐心等候。
對於我嚟講無食過蝦餃燒賣即係等於無飲過茶！蝦餃燒賣係必食！
但平時一籠4件，如果得2個人食，仲要叫2籠就食唔到其他野，但呢到完全無呢問題，提供2件或4件選擇！
蝦餃係大推薦呀！非常高水準！比起一般係酒樓食到嘅質素高。我好欣賞佢個皮做得好好，完全唔會好削一夾就爛，有彈性得嚟又有咬口，蝦大隻爽口不在話下啦。
燒賣淨睇賣相都知相當唔錯，大大隻蝦仁呀
金沙脆皮銀蘿腸
呢一個亦好好食，入面脆網非常香脆，就算淋左豉油，亦無減佢嘅香脆度，蘿蔔粗絲香甜，腸粉皮滑又薄，整體做得相當唔錯！
炸鮮蝦腐皮卷
蝦仁貫徹始終大粒爽口彈牙，新鮮炸起，非常酥脆，食到舔舔脷！
籠仔金銀蒜海蝦飯
當初以為3x蚊一個飯，份量一定唔會好大，但嚟到原來份量十足！老公讚呢個飯好好食，飯吸左蝦味，加埋蒜蓉，令人食慾大增！個人口味比較重，如果可以再多啲金銀蒜就完美啦！
黑蒜螺片燉肉排
老闆大推介燉湯，飲落的確無介紹錯，非常足料，湯鮮甜又無味精！
我貪得意叫左個甜品，椰絲香芒卷。但竟然意賞不到嘅出色！芒果肉厚身又甜，啖啖肉，正呀！
可惜試唔到黑金流沙包，已經賣曬了。
整體點心質素幾高，希望下一次再嚟會食到流沙包啦。
Post
